Kirmesprotokoll
Brudekoll vun där Kiarmes äm Joahr zwaiunfuffzisch noo Määse Matti
Grailich viehl äss dies Joahr passärd; doo kinnt et sain, dat d' Kiarmes 'n Väärdelschdinndschi spääder oonfäängkt un mia 'n poar Schdeelscher brauchen hai owen wie loo unnen Fäängke ma ääs oon.Good geflubbd hodd et baim Kiarmesschbiel - och wänn die gruuß Kanuun e' bcssje schbääd, unn Hagedorn's Helmut goar net doo woar. Hiem sain Elo..., sain Beredsam..., ei, 'n kaan good schwäädzen, hodd oos gefähld. Daat hodd daan Maassen Doart unn d'Schultheiß Colin noogehull.
Richdisch haiß guuw 'd oos aal bai d'r Eröffnung vun där Kiarmes om Samsdach metdisch. Unn daat net nummen, wail d' Sunn esu schiehn geschiehnen hodd. Fia aal die, die kummen un giehn, fia aal d'Wechsel, woar 'n gruuß Publikum doo vun gaanz Europa ün d'r Muusel. Zom läddzde Moal - noh zwandzisch Joahren! - äss d' Kiarmes vun Hagedorn's Helmut eröffnet gääwen gänn. Zom äärschde Moal hodd Mittler's Andreas d' Sai gebrooden - änn däm saina Famielisch äss daat schun Traditiuun. Äbpes gaanz Naies guuw 'd och; noadäm 'n saich baim Hailijen Rochus d' Mut gehull gehodd hodd, hodd Schmidt's iharen Martin sainem Schaads 'n Heiratsantrag gemaach; bai aal dääne Laid obp däm Moard kunnt se doa nimmi “Nää” soon. Vielleicht kinnt' ma Thönes'n Hubbert och esu unner d' Hauw krejen - daje dia Fraalaid, said net schenant, kummt hai ruff un froogt 'n!
Gefroogd hodd saich och d' Träärer Zaidung, weljen Lauserd d' Schild vun d'r Schdrooß un hunnatsiebzisch String Tangas vun n'm Schdand schdibitzt hodd. Wad fiiängsde med'm Schild 215 oan? Na Herr Bürgermeister, welches Schild ist das? Richtig, Kreisverkehr im Schlafzimmer! Unn dofia sain och beschdimmd die schoorw Klamotten.
Awa net nua suu' n Geschäär äss passärd. Um oosen gooden Wain z' beschraiwen, brauchsde mindestens 'n bekannten Scbriftschdääla unn 'n Intendant von d'r Rheinischen Philarmonie - Reinirkens' iharen Leonhard unn Strackes' iharen Richard sain grood d' Rischdijen, fia oos Kulturgut mädd sainer laanger Traditiuun z' bescbraiwen. Unn wänn daat daan änn d' r naia Schdaathall zelebräärt kinnt gääwen gänn, brauchde ma oos kään daier Gedanken um d' Kultur und dä Weddlija Kulturminista z' maachen. Unn daan dieht saisch dä Cusanus iewerlääjen, ob 'n net vielleicht noo Weddlisch umzehen sollt. Doo kinnt 'n daan mädd 86000 fröhlijer Laid hunnatzwandzisch Wuddzja vabodzen - mie als wie jemals viahär.
Daad vameldet hai unn haid dä Schdaadschreiwa; unn dä naie Bijamäästa, aal Schdaadräät unn d' Baigeordneten unnaschraiwen wailen dat Brudekoll.
Wittlich, oam 20. August 2002
Detlef Boor